သူ့ရဲ့ Basic Price ကတော့ ၁​၉⁠၉ ဒေါ်လာ ဖြစ်​တာ​ကြောင့် မြန်မာ​ကျပ်​ငွေ​နဲ့ တွက်​ရင် ၂ သိန်း ဝန်းကျင်​ပါ။ Basic price လို့​ပြော​ရ​တဲ့ အကြောင်း​အရင်း​က Specification အမြင့်​ကို ပြောင်း​တပ်​ချင်​ရင် ၂​၉⁠၉ ဒေါ်လာ (မြန်မာ​ကျပ်​ငွေ ၃ သိန်း) လောက် သွား​ကျ​မှာ​မို့ ဖြစ်​ပါ​တယ်။ ဒါ​လည်း ဈေး​သက်သာ ဖုန်း ဖြစ်​နေ​ဆဲ ပါ​ပဲ။ Basic ဆို​တာ​တောင် အတာ်​လေး​ကို ကောင်း​နေ​ပါ​ပြီ။ အဓိက​က ကင်​မ​ရာ​ကို 8 Megapixel အစား 16 Megapixel ကိုင်​ချင်​သူ​များ​အတွက် ဒေါ်လာ ၁​၀​၀ လောက် ပို​သွား​ခြင်း​ပါ။

Storage 64GB ပါဝင်ပြီး CPU က 2.5GHz quad-core နဲ့ GPU က​လည်း Quad core ပါ​ပဲ။ RAM 2GB ပါဝင်​တဲ့ စ​မတ်​ဖုန်း ဖြစ်​ပါ​တယ်။ ရှေ့က 2 Megapixel, နောက်​ကင်​မ​ရာ​က 8 Megapixel တို့ အသီး​သီး ရှိ​ပါ​တယ်။ ကင်​မ​ရာ 16 megapixel ကို​လည်း တပ်​နိုင်​ပါ​တယ်။ ဘက်​ထ​ရီ​ကတော့ 2,100mAh ရှိ​ပါ​တယ်။ High quality Audio play back လည်း ပါဝင်​ပါ​တယ်။ SIM Card နှစ်​ကဒ် ထည့်​လို့​ရ​ပါ​တယ်။

ထူးခြားချက် အနေ​နဲ့ CPU, GPU, Camear, RAM, Display, audio အစ​ရှိ​သ​ဖြင့် အစိတ်​အပိုင်း အားလုံး​ကို လွယ်ကူ​စွာ ဖြုတ်​နိုင်၊ တပ်​နိုင်​ရန် ဖန်တီး​ထား​ခြင်း ဖြစ်​ပါ​တယ်။ ဒီ​တော့ ဗား​ရှင်း​မြင့်​ဖို့​အတွက်၊ အသစ်​ကိုင်​ချင်​သူ​များ​အတွက် အသစ်​တစ်​လုံး​ကြီး သီး​သန့် ဝယ်​စရာ​မ​လို​ပါ​ဘူး။ အစိတ်​အပိုင်း အသစ်​ကို ဝယ်​ပြီး ယင်း အသစ်​ကို အစားထိုး​ရုံ​ပါ​ပဲ။ Desktop mother board တွေ​မှာ Hard Disk, RAM တို့ အစားထိုး လဲ​လှယ်​သ​လို​မျိုးပဲ ဖြစ်​ပါ​တယ်။

Android OS ကိုပဲ အသုံးပြု​ထား​မှာ ဖြစ်​ပါ​တယ်။ Crowsourcing project ဖြစ်​တာ​ကြောင့် တီထွင်​ဖန်တီး​နိုင်​သူ မည်​သူ မ​ဆို ပြုလုပ်​နိုင်​အောင် ဖွင့်​ပေး​ထား​ပါ​တယ်။ ပြန်လည်​လည်း မျှဝေ​ပေး​ထား​ပါ​တယ်။ ကမ္ဘာ​တစ်​လွှား​က တီထွင်​ဖန်တီး​သူ အချင်းချင်း ကူညီ​ပြီး​တော့ စိတ်​ကြိုက် အစိတ်​အပိုင်း​များ ဖန်တီး​နိုင်​ကြောင်း​လည်း ဆို​ပါ​တယ်။